"الله يُسْتُر مْنِ القادِمْ

وِيْزِيلِ العُنفِ القائِمْ

مَا يْظَلّْ قَتلُ وْجَرائِمْ

بْهَالعِيشِة المُرَّة التَّعِيسِة

إحْنا عالبَارِي مِعتِمدِينْ

يْعَزِّزْ إيمَانَّا بالدِّينْ

يَا صَلاةِ المُؤْمِنِينْ

 فِي المَسْجِدْ وِالخِلوِة وْلِكْنِيسِة

يَا بَارِي الكُونْ  يَا وَهَّابْ

إمْنَعْ عَنْ خَلْقَكِ العَذابْ

وُانْشُرِ الدِّينْ وِالكِتَابْ

خَلِّي العِيشِة أَنِيسِة

الله يُنصُرِ التَّوْحِيدْ

وْيِبْعَثْ حُبُّو وِيْزِيدْ

بْجَاهِ الرَّحمَن المُجِيدْ

تْزُولِ النَّقْمِة  الدَّسِيسِة ".