" دخيلك ياطير "
كلمات كمال ابراهيم
وينك يا طِيرْ
غفيان ؟
وَلَّا سَهْرانْ
بتناجي الليلْ وعَتْماتُه !
الصيف ولَّى
والخَرِيفْ عدَّى
والوَرِدْ ذِبِلْ مِنْ جَفا أيْلولْ
وْمِنْ حَرّْ نَسْماتُه .
الشِّتا قَرَّبْ
والشَّجَرْ بَدُّو المَطَرْ ينزلْ
وِيْرُشّْ قطْراتُه .
الله مَعَكْ يا طِيرْ
وأنا معَكْ والقَمَرْ سهْرانْ
بناجي الليلْ وِبْعِدْ نِجْماتُه .
دَخيلَكْ يا طيرْ
لا تنامْ خلينا سوى
نِسْهَرْ أنا وِيَّاكْ
نعاتب الليل
 ونرسم بالقلم صُوَر لَوْحاتُه .
خَلِّينا نسْهَرْ سَوَى
بلكي بيطلَعِ الفجِرْ
ويْشِعْ نورِ الشمس ْ
تتغَرِّدْ يا عصْفورْ
مَعْ خَرِيرِ النَّهِر
وْمُوجِ البَحِر وغدْراتُه .
16.09.2014