أغنية " يا رايحين " كلمات الشاعر كمال ابراهيم ألحان الموسيقي والملحن السوري القدير " بسام رسلان " غناء النجم السوري " مروان اسليم " توزيع وتسجيل استوديو " Tempo music  " جبل العرب .

اليكم تسجيل الأغنية عبر الفيديو التالي مع الصور التوضيحية ونص الأغنية :

 يا رايحين

كلمات كمال ابراهيم

يا رايحين عبلادي سَلِّمُوا عالأهل والجيرَانْ

لا تنسُوا كرومَا والضيعَة وسهولا والوِديانْ

اشتقنا لأرضِكْ يا بلادِي يا زينِة كلِّ البلدانْ

فيكِي ربينا وكبِرْنَا

وغنِّينَا أجْمَلْ ألحَانْ

في البيادِرْ والسَّاحاتْ

لعِبنا الزَّقطَة والبَنانيرْ

فيكِي قضِّينا السَّهْراتْ

يسْعِد ربِّكْ يا بلادِي

يا زِينة كلِّ البُلدَانْ.

نِحنا في الغُرِبة مْنشْتاقْ

لنَسْمِة ريحْ عالشُرُفاتْ

بَدنا نشُوفِكْ عَنْ قريبْ

وْنِحيي أجمَلِ الحَفلاتْ

انتِ العِز والكَرَمْ

فيكِي يرفرِفِ العَلَمْ

يسْعِد ربِّكْ يا بلادِي

يا زِينة كلِّ البُلدَانْ.

فيكِي عِشنا صْغار كبارْ

شو لَمَّيْنا غْمَار غمَارْ

يا بلادِي يا أحلَى بْلادْ

تاريخِك عِزّ وأمْجَادْ

بدنا نِرجَع عالوَطَنْ

فيكي المَجدْ والزَّمَنْ

يسْعِد ربِّكْ يا بلادِي

يا زِينة كُلِّ البُلدَانْ.